ప్రజల ప్రాణాలతో చెలగాటం! ⚠️ బషీరాబాద్‌లో బ్రిడ్జ్ పనుల నిర్లక్ష్యం! vikarabad

వికారాబాద్ జిల్లాలో ఇప్పుడు ఒక తీవ్రమైన ప్రజా సమస్య తెరపైకి వచ్చింది. అభివృద్ధి పేరుతో మొదలుపెట్టిన పనులు, అసంపూర్తిగా వదిలేయడంతో ప్రజలు అరిగోస పడుతున్నారు. అసలు విషయం ఏంటంటే… వికారాబాద్ జిల్లా, బషీరాబాద్ – మైల్వార్ రోడ్డుపై చేపట్టిన బ్రిడ్జ్ నిర్మాణ పనులు! వర్షాకాలం తలుపు తడుతోంది.. కానీ, అక్కడ పనులు మాత్రం అర్ధాంతరంగా నిలిచిపోయాయి.”ఇది కేవలం ఒక రోడ్డు మాత్రమే కాదు, చుట్టుపక్కల అనేక గ్రామాలను కలిపే కీలకమైన అనుసంధాన మార్గం. రోజువారీ కూలీలు, విద్యార్థులు, రైతులు అందరూ ఈ మార్గంపైనే ఆధారపడి ఉంటారు.vikarabad
అయితే, బ్రిడ్జ్ పనులు సగం పూర్తి చేసి, కాంట్రాక్టర్లు ఎక్కడికక్కడ వదిలేయడంతో.. ఇప్పుడు ఈ రహదారి అస్తవ్యస్తంగా మారింది. వర్షం పడితే చాలు.. ఈ మార్గం మొత్తం బురదమయమై, రాకపోకలు నిలిచిపోయే పరిస్థితి ఉంది.”ప్రజల ప్రాణాలతో చెలగాటం ఆడుతున్నారా? అనే ప్రశ్న ఇప్పుడు స్థానికుల నుండి వినిపిస్తోంది. ఎమర్జెన్సీ సేవల పరిస్థితి ఏంటి? ఎవరైనా అనారోగ్యానికి గురైతే, అత్యవసరంగా ఆస్పత్రికి వెళ్లాలన్నా అంబులెన్స్ వెళ్లలేని పరిస్థితి. ఈ రహదారి దిగ్బంధం అయితే, వేల మంది ప్రజల జీవనం స్తంభించిపోతుంది.

ఇది కాంట్రాక్టర్ల నిర్లక్ష్యమా? లేక పర్యవేక్షణ లోపమా? అనేది ఇప్పుడు మిలియన్ డాలర్ల ప్రశ్న.”
స్థానికులు ఇప్పుడు తీవ్ర ఆగ్రహంతో ఉన్నారు. తాండూర్ ఎమ్మెల్యే మనోహర్ రెడ్డి గారు, అలాగే సంబంధిత అధికారులు వెంటనే స్పందించాలని డిమాండ్ చేస్తున్నారు. వర్షాకాలం పూర్తిస్థాయిలో మొదలవ్వకముందే, యుద్ధ ప్రాతిపదికన బ్రిడ్జ్ పనులు పూర్తి చేయాలని కోరుతున్నారు.vikarabad

ప్రజల కష్టాలను గుర్తించి, ప్రజాప్రతినిధులు బాధ్యతాయుతంగా వ్యవహరించాల్సిన సమయం ఆసన్నమైంది. అధికారులు ఇప్పటికైనా నిద్ర లేస్తారా? లేదా ప్రజల ఆగ్రహానికి బలి కావాల్సి వస్తుందా?ప్రజా సమస్యలపై వేగంగా స్పందించాల్సిన అధికారుల మౌనం, ఇక్కడ ప్రజలను ఆందోళనకు గురి చేస్తోంది. తక్షణమే చర్యలు తీసుకుని, ఈ బ్రిడ్జ్ నిర్మాణాన్ని పూర్తి చేయాలని మనమందరం కోరుకుందాం. ఇటువంటి మరిన్ని ప్రజా సమస్యల కోసం చూస్తూనే ఉండండి మన న్యూస్ ఛానల్.